كلمات اغنية حمام الاغصان فايز الدوسري 2023

عليك الله اكبر ياحمامن ع الاغصان

تسلطت لين انك تمكنت من سدي

ونا ادنات مايثر علي حزة مسيان

اقاوم ولا ادري غير دمعي على خدي

بغا الجرح يشلا مير عود مثل ماكان

ولافاد في جرح الفراق ابرة مهدي

خطانا الوحيد الحب مآله حقوق انسان

ومن تاه في درب الهوى ماله مقدي

من اسباب فرقا الشمل كني ورا القضبان

ومن شوف مدهال الغضي واصلن حدي

توجدت لين الوجد غنوبه الركبان

على اللي ماهي من صلب ابويه ولاجدي

غزالً حماها في حمى مرجع الشيخان

ومن دون رايه ماحد يجيب ويودي

سقى الله زمان البدو والعد والمقطان

قبل لايجي حالي من البعد متردي

مثل حال ابو زيد الهلالي وبن عدوان

مفادي بروحي مير اشوف الزمن ضدي

لاهب الصبا ولا عرض قايد الغزلان

هنا اخلو سبيلي وتركوني على ودي

اغيب مع طيوف الغضي داعج الاعيان

لاسجيت ثم حطيت خدي على يدي

عسى من جمع يوسف بيعقوب عقب ازمان

يهيي وصاله قبل لاينفضح سدي