كلمات اغنية دلوعة الشايب فايز الدوسري 2023

والله اني عن اهل الشعر حاضر وغايب

اتطلع مع الي يقطعون المشاهي

ودي امشي مع اهل الذود والبال طايب

مير ضرف العمل من دونه آمر وناهي

يوم اناظر هل الذيدان تمشي كتايب

كيف ابغلط هل الجلسات وسط المقاهي

ربعو فالشمال مهونين الصعايب

جعل منز الهم نقعٍ  من السيل راهي

والعوض شوف غروٍ لا لعب بالذوايب

يفرق الليل عن قمراً لها النور ضاهي

من بياضه تشكك لون بيض السحايب

ماستره لبسه الاسود وهو فيه  زاهي

اتلعٍ لاتمخطر بالدلع جاك ذايب

من عيونه لاهو بأحول ولاهوب فاهي

كن تفصيل جسمه بين ضايق وسايب

كل مالف صار الاتجاه اتجاهي

بالحلا والفتن معطيه رب الوهايب

له لسانن عسل مقرون في جسم ناهي

لاوقفت كانها الظامر مابين الركايب

وان مشت كانها مرجاحةٍ في ملاهي

عمرها الي مضى دلوعتٍ عند شايب

وعمرها الي بقى في ضف قدري وجاهي

ياغضيض النهد يالي قبالك عجايب

احسبيني على قدر الرجال الدواهي

والله اني قبل شوفك عن الحب تايب

خالي البال فالدنيا والايام لاهي

ان تماديت مع نفسي تراك السبايب

وان تقصرت كن ماشي شد انتباهي