كلمات اغنية شرهة الدمعة فايز الدوسري 2024

إمنعني يا عيوني شرهة الدمعه ونامي

وانسى الماضي طلبتك لا تطرينه عليّ

الشتاء بارد وبرد الشوق ولع في عظامي

أخفي أوجاعي ولا أدري لإمتى أوجاعي خفية

العنود اللي خذت قلبي وفكري واهتمامي

تركتني للضياع أشيل عقلي في إيديّ

وين أبلقى اللي يبلغها عقب ما أبطت سلامي

ودي بعلمً يجي منها يرد الروح فيّ

عنق ريم تذير والتفت والرمي حامي

زمها الرامي عقب ما شاف نظرتها البرية

وعين شيهانة ورمشً مخملي لكن حرامي

يسرق قلوب الأوادم ويتحايلهم بغيّة

ضامر السرجوف ما أحلى صدرها طايش وزامي

كل ما طلت عليّ غابت الشمس البهية

اتفقنا بالمحبة واختلفنا بالأسامي

بدويً طاح حظه في نواعيس بدوية

أتصنع ضحكتي واضحك وأنا ما أدري علامي

عاشقً ساق قدمه في سكة العشق المتية

والسلوم الجاهلية وردتني للمضامي

ليتني لاحق عليها في زمان الجاهلية

آخ لو هي من خوالي وآه لو هي من عمامي

بنت شيخً من شيوخ البدو في نجد العذية

طالت الغيبة عليّ وقام ياكلني هيامي

شلعت قلبي وقفت به وأتا أشوف ضحوية

جعل براق الحيا يسقى وطن غاية مرامي

شهرً كامل يصب المزن ويحذف بردية

الشعور اللي بصدري مثل موج البحر طامي

والليال السود زادت في عيوني سودوية

لا تحسب إن الجفا يقدر ينزل من مقامي

تطعن برمح الهجر روحً من العام مغشية

مرحبا بالجرح من خدراتها لاصار دامي

إطعنيني يا الوساع اللي رموشك مستحية

ومتنازل لك وراضي ومتغاضي ومتعامي

وإن ذبحني عشقها مالي بشرع الحب ديه

ليت لي قلبً ليّ أوجعته بنجلاها انتقامي

بس أنا أصفح وأعفو وانسى الوجع رغم الأذية

لو تعرف إني على حد الجبرتي والزلامي

الهمت مجنونها بالشعر ليلى العامرية

كان حبتني كثر حبي وهامت في غرامي

مستحيل تطول غيبتها على العين الشقية

مالها لا جتني إلا كل شي مع احترامي

بس لا تبطي عشان أقفل ملفات القضية