كلمات اغنية شيخة خاطري فايز الدوسري 2022

يافاتنة قلبي وشيخة خاطري ويـن المفـر

وأنا ولي أمر الجـروح وشيخهـا وأميرهـا

الله يغفر الذنـب والإنسـان ماهـوب يغفـر

بعض الذنوب أهون على المشتاق من تبريرها

ياكثر مانيب أعتذر لك بالظـروف وبالسفـر

وأنا أدري أن ماكل مره خيرها فـي غيرهـا

جعل السنين فداك من صفر إلى غرة صفـر

وفداك حامل مسكها وفـداك نافـخ كيرهـا

سرقت منها ماسرق خصرك من الظبي العفر

اللـي تثنـى لـه سنابـل برهـا وشعيرهـا

وش يزعلك وأنتي وأنا روحين يحملها نفـر

وقلوبنـا فيهـا حنـان أمٍ تضـم صغيرهـا

رياضك الخضرا قفر ورياضي الخضرا قفر

من حقنا نرعـى خزاماهـا ونـارد بيرهـا

وصلت لآخر مرحله معك وبديت من الصفر

ولازلت اكررهـا ولامليـت مـن تكريرهـا

لو عايدات النفط من شط الجبيل الى الحفـر

طاحت على حظ بـدوي ٍ مايعـرف يديرهـا

ما اختار عنها الا مغاتير ومجاهيـم وصفـر

ذود ٍ مفليـةٍ علـى حيرانـهـا وبعيـرهـا

مافيه بين الناس من يسواك يالضبـي العفـر

ان كـان ماجازتلـك الدنيـا نـدور غيرهاـا