كلمات اغنية عين شيهانه فايز الدوسري 2022

مل عين يصبح الصبح سهرانة

تكتم العبرة وفيها ما يكفيها

بينها وبين الحزن ولف وميانة

تحفظه حتى لو إنه يبكيها

الكتاب عتاب والهجر عنوانه

خطّه اللي كلمته ما يثنّيها

شاعرٍ هايم في حبّه وفي أحزانه

ترجم أحزانه وركّب معانيها

من سبايب عيطموسٍ وفتانة

بالجمال اليوسفي من يضاهيها

عينها لا سلهمت عين شيهانة

حبها محفوظ في قلب مغليها

وخصرها مايل مثل عود ريحانة

الهوى الغربي ليا هب يثنيها

وكان فوق الصدر خوخة ورمانة

غصونها من دمها العذب تسقيها

والشعر يلمع من أطراف حجانة

ياصل إليّ نقطةٍ ما أقدر أطريها

لي وليفٍ كم تعنيت من شانه

يهدم أسوار المحبة ويبنيها

شب نار الشوق من جور هجرانه

وانتظر لين أغفل ودفني فيها

عقب عذبني رماني في زنزانه

كنت أحسبه يستحي ما يسويها

وأثره اللي نيته نية خيانة

يسهج الخطوة ويدفن مواريها

والله إن النفس بالحيل ولهانة

مير أنا مدخلك بالله لا تشقيها

ولو حكم الشرع ما حرّم ألحانه

مستعد أدلّه النفس وأعطيها

المحبة بعدها ذلّ وإهانة

ونارها لا ولعت من يصاليها

قبلي الحجّاج ممتد سلطانة

ولا قهره إلا المحبة وطاريها

قاضب الدنيا بكفين مليانة

ولا قدر بنت الهوى يقضب يديها