كلمات اغنية فاقد غالي فايز الدوسري 2020

من جفا غايب وطعنة صاحب وميلت الليالي

لاح في راسي بياض ونايشٍ كبدي حرارة

والله إني فاقدٍ صحة وفاقد شوف غالي

ومن فقد غالي وصحة ما فقد طعم الخسارة

ودي أشكي مير مثلي ما يجوز من التعالي

والتعالي علةٍ تاكل وسلال ومرارة

ما يعرف اللي جرى لي يوم أقول اللي جرى لي

غير بعاجٍ سرقه الحب وانحى عن دياره

غير بعاجٍ سرقه الحب وانحى عن دياره

كان مقدام الغطاليس وذرى هزع التوالي

وعارضته الضيقة اللي وقعت كرت انكساره

جعل ما للضيقة وللهم والمرقاب والي

ساقني حظي لراس الظلع من راس الزبارة

ما فطنت بسقم حالي لين عارضني ظلالي

منكسر كسرٍ ما تجبره الأطباء بالجبارة

فاقد لي مهرة يا وجدي ويا بري حالي

برية خشوب الزقارة، برية خشوب الزقارة

برية خشوب الزقارة، برية خشوب الزقارة

الحزن دفى الفرح برى مع الباب الموالي

دفت اللي يفهق الرغوه عن أطراف الغضارة

صلو حثلوم الحسايف قام ياكل من طحالي

مثل وكل الجوع من سرجوف خرعوب الخبارة

يوم قفت شيمتي عيّت على كلمة تعالي

واقفت وهي ودها بالكلمة وبالإستدارة

قلت يمكن تذكر الميلاف وتحن لوصالي

وأسرفت في البعد وأنا أسرفت في الليل وسماره

وأسرفت في البعد وأنا أسرفت في الليل وسماره

شيب عيني لقن أبوها كيف خلتني لحالي

تدري إني بتشفاق أشفق من أم الحواره

يوم تدرج في دكاك الأرض ودعوب المفالي

عينها ترعى حويّرها تحفاي وغياره

ناشني ما ناشها من حنّة وشعف وغدالي

ليلةٍ فيها يغيب البدر وتضيع الشطارة

روحت مراح حكام المماليك الموالي

روحةٍ ما عقبها رجعة ولا ميراث أمارة

جعل مال اللي وشى من بيننا في القوم تالي

ينقشع مثل الرعو لا لافه الغربي وداره