كلمات اغنية لاتبكونه فايز الدوسري 2021

الله حسيب القصيد وجرة لحونه

والواهس اللي يحدك تسهر وتسري

يجيك والفكر يمشي كل طبلونه

من حيث لا تحسب ومن دون لا تدري

لبيه يا أول ضبي ينطق ويوحونه

لبيه يا أول وآخر من نزل صدري

لبيه يا اللي وعدته وعد ما أخونه

لبيه يا كسري ولبيه يا جبري

عزاه ي شعره الضافي على متونه

وعزاه لا قال قيس عقالك بخصري

في ليلةً بدرها غايب من سنونه

بياض ثغره يسد النور للفجري

لاقام يمشي على قلبي على هونه

بأسلوبه الفارق وبعيونه الخدري

يقول برق على نحري وشف لونه

الشمس هذه ما تشرق غير من نحري

فن الكبر يعجبه ومن أجمل فنونه

لا قلت أحبك يردد ما هو بكثري

تقول مخلوق في كون ما هو كونه

يا بري حالي براوة عوده المبري

والله مغبط ملك كسرى ولا حصونه

في ماله وملكه اللي يدفن الفقري

لا عشت وياه ساعة عمر مضمونة

أروي ضمأ خاطري من ريقه الخمري

أعيش فيها سعادة روح مرهونة

في صدره اللي ملكني عاد ذا كبري

العاشق الي حدو من دوني ودونه

عذال فيهم طبوع الخاين العبري

لو أخفي الحب في عيني يشوفونه

إخوانه ومن سعوا في كسره وكسري

لاجيتهم من دواعي الضحك يطرونه

يبغوني أموت من غبني ومن قهري

وأنا يبلفيت ما أدري كيف مدفونة

أسوي إني فلا أدري وأنا أدري

لو قالوا الموت دونه قلت يا عونه

يا ويش أنا عايش له زينوا قبري

إن كان ما مت لأجله متت في عيونه

أفدا الوسيعات هذه ي عرب عمري

اهم حاجه لا تاتونه وتبكونه

دمعته عندي تساوي عمري وقدري

اللي حلفت أحفظه وأغليه وأصونه

حتى تشيب رموش العين وأهذري