كلمات اغنية ياصغير لاتعنينا فايز الدوسري 2021

ياحفيد البال ماهي سالفة طب وتخيّر

لاتنبش فالخفوق وفالمشاعر وانت داري

ماوراك الا العنى يوم الهواء ملعون خيّر

قد حدى سحم الذياب الي تعاوى للمساري

ياكثر صبري عليك اليا رمص عنقك مذيّر

بانت عيون المفاتن وانت تمشي شبه عاري

واعذابي يوم تركض وانت بالثوب القصيّر

جافلٍ ترعى ربيع صدورنا عن كل طاري

تسكب البرقع على عين من السكبه تحيّر

للخطر والموت في رموشك مداهيل ومواري

من ورى البرقع تبين مبسمٍ في وجه نيّر

لاهو مبسم عهود ولا خلود ولا عذاري

ماجذبك الا القصايد والبدو وام الحويّر

والمرابيع البعيده والكباين واللواري

قد عطوك من الحلاء من الحسن شيكٍ مجيّر

وانت في حسن عطاك الله على خلقه تماري

تكبر وتكبر وزينك كل ماتكبر تغيّر

زايدٍ وجهك جمال وراكبٍ لك جسم ناري

لانت بمخيّر على شيٍ تبيه ولا مسيّر

العرب قالو ليال العيد تعرف من عصاري

ياصغير لاتعنينا بشوفك ياصغيّر

وانت عمرك طيش وايامك تخليك انتحاري

وانت تدري مانعقد وجيهنا للي يسيّر

كيف عاد ان صار طيفك يشبه الظل المباري

كل مادله عن غرامك واتصدد واتطيّر

هبت النسمه شمال وجيتني يالضبي ساري