كلمات اغنية ياعشيري فايز الدوسري 2021

ويل قلب لا سرا الليل هندبه

الطواري مالها عنه مردودي

مالقى راحة جسد عقب من حبه

غير همً مودعه كنه العودي

يطرحه صلف الهوا لا قوى هبه

باح مكنونه على ايامه السودي

ويغلط في معظم الناس ويشبه

ويتمنى وقته الماضي يعودي

ياعشيري يوم لاماك من طبه

ماعلى جرحك وجرح الزمن زودي

انقذه والمنقذ اجره على ربه

مايبيك الا معه بس مااجودي

ايتهجس ون لقى مرقبً ذبه

مبطيً منكم ماجاء عنه منشودي

شاعرك كثر التفاكير تسهبه

وخايف ليجيه شرهه ومنقودي

حطته سود الليالي على الحبه

يوم ضعيت الاماني ومجهودي

قبل لا علمك تعرف وش السبه

مير حبك ماله بقلبي حدودي

فارقً بالعود و الوجه واللبه

والجديل اللي على المتن مرجودي

الجمال اليوسفي فيك يظربه

طاغيً زينك وفاخر ومعدودي

اتغافل عنك وجدد الشبه

مير فيني طبع ماخلي اعهودي

العهد لااعطيته اموت ما كبه

الزمان يدور وانا على وعودي

وعزتيل اللي سواتي يغيبه

ماتقول الا من الضحك مطرودي

كن بين ضلوعي النار مشتبه

كل ماذكر نظرت عيونها السودي