كلمات اغنية يا عظيمة فايز الدوسري 2021

يا عظيمة ترى شاعرك نفسه رهينة

كل فرصة على شوفتك مقطوع أملها

بعد أخذتي نظر عينه عسى الله يعينه

راحة البال جعل الله يعوضه بدلها

يوم يذكر تفاصيل الحياة الحزينة

وده يبل كبده بعد من الحزن أكلها

سلم القلب في إيدينك ولا قال وينه

أطلبي كل حاجة منه واخذي دبلها

إنت الفارقة والنادرة والثمينة

عاد أساميك واجد لا تقولين قلها

لا انثنى عودك الريان من زود لينه

كل زينة بعد زينك تعود لأهلها

علق أمال حبك في بقايا سنينه

لو يلهونه العربان معاد يلها

جاك من عقب ما فارق حدا والدينا

كل ليلة كمومه بالدموع يغسلها

واحد جرب الحرمان يا وجد عينه

وطاح في الفارع اللي ما يداني زعلها

يمكن يوقف الدنيا على راحتينه

ويتخطرا الظروف اللي ما حد يحتملها

كل ما ضاق باله يطلع من المدينة

خطرٍ إنه يسوق الجيب ويتله إلها

من تولع بغيدا بنت عز ورزينة

جدّها اللي لا مر العاقلين يهبلها

الله يلوم من لامه بزينه وشينه

المحبة لا يقرب سلمها من جهلها

ساحة الحب مثل الحرب ومعاونينه

يمكن تجيب الأنفس المحبين أجلها

ما تبى إلا شجاع ما يبيح كنينه

يحتمي وقفته وإن قال كلمة فعلها

الضعافة على الرجال ما هيب زينة

والمثل قال مال الحملة إلا جملها