كلمات اغنية المنصة رحبت فهاد العلي 2021

ابتدى وقت التحدي وحيىّ للفلاح

المنصه رحبت. واقرعت بطبولها

ولعت نار المعارك ولا فيها سلاح

نارها لفح. الجدايل ودق حجولها

معركه ماقادها غليص والقايد فلاح

ولا بعد حرب البسوس اسرجت بخيولها

ساعةً بتزلزل الارض وافلاس ورباح

في مساحه ضيقه ياقوي مفعولها

بين.تحطيم المشاعر وضيقه وانشراح

وبين دق الخشم وبين. الرضا وزعولها

ياعموم. الغيد من غير تطبيق السماح

ماتفوتن المنصه ولا انتن حولها

غير بأذن اللي لها دمّكن. اصبح مباح

الهنوف اللي على الغيد. تفرض قولها

كنها . لاذبت. وشاحها اشراق الصباح

واسود من الليل. لافرعت مجدولها

الهدب بالعين كنه مضاريب الرماح

والجمر والثلج في مبسمً معسولها

والمعنق. عنق ريم . الحماده والبراح

والخصر عن ناب الارداف يعزل طولها

والحلا والملح والقبله وموتً ذحاح

في. عنود الصيد من راسها لرجولها

لوهاااايب الجهز كسبت الفوز اكتساح

بالجمال. الفاايق وتربية. دلووولها

جادلً وانتاجها. مطير. كان السد. بااااح

لابةً. بأم. المعارك. يهوّل هولها

دولةً. في بطن دوله. يحالفها. النجاح

لين. صارت. قمة. المجد ضمن فعولها