كلمات اغنية شيخة الغيد فهاد العلي 2022

شيخة الغيد 

جتكم اللي كنها البدر كامل ومحسوب

لاظهر في ليلتن من ليالً مقمره

لاحضرت للعب تاخذ لها جوله تجوب

تنتفض بالراس تمشي بفن وبختره

لاحضرت كل المزايين شقن الجيوب

كنها وسط المزايين قطعة سكره

لابدا وقت التحدي وغالب ومغلوب

من تزوادها على الزين قيل مشفره

لاقبلت كلن يقول الحلا والزين توب

كم هنوفً منها نفسها متدمره

الدلع من غطرسة حسنها صعبً يتوب

لو تدوس البيض من نعمها ماتسكره

تسحر قلوب العذارى وتاسر للقلوب

فتنةً تمشي على القاع كيف مصوره

الشروق اليا لفحت يجتمع ويا الغروب

ضيها الاشراق والليل شعرً تنثره

والشفق الاحمر له الخد بالحمره ينوب

من جماله يبهر اللي بعينه ينظره

لونها شبه على اللي تبارق بالنصوب

مزنتً غرا تزبر بردها ممطره

الجمال اليوسفي بالنحر شفته يذوب

والعسل في ريقها كن ربي قطره

من شمال المملكه شرق غربًا مع جنوب

علمها بالزين كلن يعد ويذكره

اسم ومسمى على الصدق ماقاله كذوب

كالذهب بين الدول عملته متصدره

الله اللي كمل الزين علام الغيوب

كمله جل جلاله وجمل منظره

لو نظرها عاشق الذود عن ذوده يتوب

لو شرى ب اغلى الملايين ذوده تقهره