كلمات اغنية ماقدرت أنساه فهد بن جازع 2023

وليف(ن)هويته مير هو ماعرف قدري

تفنن بتعذيبي وانا ماقدرت انساه

تملك خفوقي واشعل النار في صدري

حسيبي على من غيّر اطباعه وقسّاه

وفيت بمواثيقي معه وان يبي عمري

عطيته ولا منيت به ياعسى يهناه

يغني على ليلاه وانا على جمري

اشيّد بقصر الحلم واهد في مبناه

وقعت بشباكه ياهل الحب من بدري

وكل(ن) يعرف بقصتي بالهوى ويّاه

اراقبه هلاله لا نشا ولا اكتمل بدري

سنين اتحرى البدر واتعذرت رؤياه

على البال ملهوف الحشا دايما يطري

ولو زاد في هجره على البال ما نسلاه

خذا من ندى الورد وشذا اريجه العطري

ومنطوقه اللي به حلا جل من حلاه

ألا ياوجودي وجد من صاد له قمري

وطارت مع من زاد حسراته وغبناه

انا طالبك يا الله يا عالم(ن) بامري

تداوي جروح القلب وترد له مضناه