كلمات اغنية ياشبه وضحا فهد بن جازع 2024

يامرحباً اعداد ماغرد الطير

عند النشاما طيبين السجيه

حياكم الله يالوجيه المسافير

على الشحم والهيل والشاذليه

الضيف يقرونه حفاوه وتقدير

عاداتهم من يوم بقعى صبيه

مبروك يانسل الرجال المناعير

عسا حياتك يامحمد هنيه

والله يتمم فرحة امك على خير

فيكم تهنا في حياتن هنيه

في مدحها عندي دلايل وتبرير

الدين فيها والصفاة النقيه

ياشبه وضحاً من خيار المغاتير

عيده محمد بنت شيخ الحميه

ام الرجال الشامخين المشاهير

معربين جدودهم صيرميه

على خطاوي اجدادهم تمو السير

اللي لهم بالطيب بصمه قويه

يحماهم الله صدوف المقاير

ويبقون لها عزوه سنينٍ مديه

وبناتها بـ أوصافهن ياعرب غير

فارقهن المعبود رب البريه

ريم ومتبعه مترفات الغنادير

وميعاد وريما ياحلي الضبيّه

غزلان في روضٍ زهى بالنواوير

مافيه غير الريم بارضٍ خليه

بنات شيخٍ مايحسب المخاسير

ريف القصير ابو اليمين النديه

كريمٍ سبلا لالفوه المسايير

مفتوح ديوانه صباح ومسيّه

العود الأزرق والدلال المباهير

عند ابلجن ينطح حمولٍ قويه

وقت الشدايد هو زبون المخاسير

جاه ووجاه ومدتن خاتميه

وختمها صلو على داعي الخير

صلو على محمد رسول البريه