كلمات اغنية نجد العذية فهد بن فصلا 2024

في أمان الله يا نجد العذية والوعد بعدين

متى بعدين ما أدري بس خليني على ماني

مصير الوقت ينصف طيبينه والأمور تزين

وبرجع لك ليا زانت معي كان الله أحياني

وبرجع لك ليا زانت معي كان الله أحياني

في أمان الله يا القلب الحنون ويا الجناب الزين

كثر ما حبكم يسكن معاليقي و وجداني

في أمان الله يا زعجّول ذودٍ تاصل الخمسين

طفافيح البكار اللي عليها وسم جداني

طفافيح البكار اللي عليها وسم جداني

بديت أخاف من فرقه تجي وتشتت الغالين

وأخاف أضيع من ظلم الزمن وأفارق إيّاني، آه أفارق إيّاني

تعيش بحسرتك لا صارت أحلامك مع الماضين

مضت والذكريات تردها لك وأنت متفاني، آه وأنت متفاني

آه يا صدري لا تهزك عبرة تر قل لها يومين

وأنا أدري فيك تجحد عبرتك كله علشاني

لو إن القصد حاجة وقت ولا ظرف ولا دين

يهونها عليّ ويسدها الطارف من اخواني

يهونها عليّ ويسدها الطارف من اخواني

ولكن المصيبة جرحي اللي له ثمان سنين

يعيش بداخلي غصبٍ علي ويموت في لساني

ألا ليت الضمير الحي ياخذ من دموع العين

ضريبة للخطأ اللي قد حصل من شخصي الثاتي

ضريبة للخطأ اللي قد حصل من شخصي الثاتي