كلمات اغنية ياهل المعروف فهد بن فصلا 2024

يامبدا سهيل اقلط على القيض بالميسور

وبرد غليل اهل الحلال ومصاليحه

لعل الشتاء ياخذ براده ليا عاشور

ويجي للقلوب الخضر سجه وترويحه

على دمعة الفقد وعلى غصة الحنجور

يجوز الموادع يلحق الصيحه الصيحه

تقافت طورايهم على هفت المضهور

وجرتهم اخفاها العجاج ومراويحه

برك دونهم ضلع المرازيق فوق الزور

ومن دونهم للمسرجه قومه وطيحه

الا ياهل المعروف ردوا عديم الشور

على عبال نجد وعذب ماه ومداويحه

وجودي وجود اللي لقى شايبه منحور

ع وجار ضوٍ جالها ف الدجى ضيحه

بعد شال ابوه وغرقه دمه المنثور

دخل موقفٍ ياصعب شرحه وتوضيحه

وتوجه على اجهزة الحكومه بكسر شعور

يبلغ وفي صوته من الغبن تجريحه

حضر عسكريٍ واجه من قصراه حضور

وسمع له كلام فيه شكه وتلميحه

وعلى ضوه ايدع ف السجن فوق ٩ شهور

بعدها بدا تحقيق وضعه وتصحيحه

هل الديره شهدوا عليه بشهادة زور

عقوق وهجر والظلم قامو بتسليحه

اخوه الصغير الجاهل المنهي المامور

على كيفهم مضوى خياله وتسريحه

سجن له ثلاث عقود ياحالة المقهور

وعفى عنه اخوه وزاد شره وتجريحه

سلامة غريمة كارثه تكشف المستور

وظلمه يضك الصدر ويزود فحيحه

قديمه مجري الهايب وحاضره منكور

مسميه عمه قاتل ابوه ومزيحه

منول تثبت هيبتة قايد الطابور

ويهز الرجال اسمه وفعله وتصريحه

وذلحين واجب كرمته من بقايا السور

تلاعب به خطوب الزمان ومراجيحه

غدا وجهه العامر مثل بشرة المسعور

وباب الرجاء والصبر ضاعت مفاتيحه

مجيه تقول يضخ ف جنوبه الشرشور

وثوبة من ادنى علم يدله بتشليحه

تجافى من العالم ومن ساكنين الدور

ليا اقبل على اهل الدار كثرت نوابيحه

تجريت ف المنكوس واخفقت ف المجرور

ورجعت بسهم كبر المقام وتباريحه

سلامي على شيخٍ جبر طيحت المكسور

وعلى قصرة المديح تشر مسابيحه

بريكان يابن وصل يا سلاحي المذخور

ليا شفت ف وجبه المقادير تكليحه

حصل من رفيقك يالسنافي خطأ وقصور

وزودٍ على ما صار توفيه وتبيحه

قبل ما تعذر واعترف بالخطا معذور

لاجل ما يجي ف الحلق شرقة وتنحيحه

ابوك الامير اللي كسر هيبة المحذور

تحت هيبتة ما يمشي العلم تسنيحه

سلاليل بيارق من جلع خير سهف الخور

من المرتع اللي زاف ربله ومليحه

عن اسم الشلاوى منهو اللي يحجب النور

ملاذ ومعازيب المديح وزحازيحه

تحت ظلهم كم عالمٍ وضعهم مستور

وذلحين صاروا ف المهمات شبيحه

عسى الله يديم الامن والبيرق المنشور

غموض الكلام يظهر الحق توضيحه

ياخو مطلق انا من ظروف الزمن ماجور

مادام ان راسك حي والانفس صحيحه

قدمت بشهادة حق لو السلاح يثور

ما حسبت ل خطوب الزمان وسواميحه

بني الحارث بدونك ترى مالها اية دور

لون ليلهم نوره تجلت مصابيحه

مجالسهم احيي بعضها سلام قبور

مافي ظلها عن جور الايام ترييحه

لو انه عرفك النابغه بندر بن سرور

ما عنز على شيخان نجد وطحاطيحه