كلمات اغنية حيدوا الحلوين فيروز 1964

حيّدوا الحلوين عَ ضوّ القمر

والليل ليَّل والقمر حنّ ونطر

يا ليلة الحلوين عَ دراج الحكي

يا سهر الْـ ما في بعد منّو سهر

حيّدوا الحلوين ضوّت هالدني

والولدنة جرّت وراها الولدنة

في صبي مغرور صَرْلو شي سنة

ياخد خبر ويجيب من عندن خبر

حيّدوا الحلوين قالوا مِيةْ مسا

قلنا شو هالغيبة الطويلة وهالقسا

يا هوا الإيام انْ كان رح تنتَسَا

خلّي الوفا بهالْكَون يغدي عالسفر

يا حلو الْـ بيطلّ قلبو محيّرو

يسأل على الحلوين كنُّن غيّروا

والحمام فروخ كبروا وطيّروا

ما عاد في غيري وغيرك يا قمر

علّيّة وبالعلّية .. في صبية

قلتلو اخطفلي هيّة .. قلّي خطيّة

والمغرورة مغرورة .. وبالتنورة

طارت متل العصفورة .. عالبرّيّة

والحلوة الْـ كانت حلوة .. بعدا حلوة

وخصور الزنبق تلوي .. عالغنّية