كلمات اغنية شلحة الحرير فيروز 1974

شلحة الحرير.. من إيد الصبية

شلحة الحرير.. يا جوانح غنّية

يا حكاية جبلنا

وهدايا مغازلنا

لْكِل بطل من جيشنا

من جيش الحرّية

شلحة الحرير يا مشغولة

وحدّ مواقد نارنا مغزولة

من شوق الإمّات.. وسهر البنيّات

ومن ضحكات ولادنا بشي غفوة هنية

خلّينا نعجّل هلّق بيطلّوا

وتفيّي بيارقهُن عالجبل كلّو

نحنا خلّصنا الشلحات الحلوة

لْكِل بطل شلحة من إيد الحلوة

- نجلا اضحكي يا نجلا

ليش صفنانة يا نجلا

- قلبي خايف ع سالم

يا ربّي تردّو سالم

- لا تخافي عَ سالم

عَ هالشبّ الأسمر

يَلْ عَ لمعة سيفو النجمات بتتكسّر

يا اللي خيال حصانو من خوابي الدهر بيسكر

سالم هالحامل عَ جبينو العزّ وبقلبو الأرز

وعم بيقود العسكر