كلمات اغنية قالتلي المرايـة فيروز 1967

قالِتلي المرايِةْ .. تْغَيَّرتي عَليِّي

كبرْتِ متل الحكايِةْ .. وشفناكِ صَبيِّة

تاري البنت مخبَّاية .. مخبَّاية بِالمْراية

بالأُوضة الزرقا .. فستان جديدْ

بَعدو بالورقةْ .. عَ إسم العيد

والبنت الْـ عم تتسَاوى

ترخِي شَعْرا وتتغَاوى

وتتمايل رايِح جايِي .. وتطَلَّع بِالمْرايِةْ

غِيبي ولا تغيبي .. لا تقولي وَينْ

مرايةْ حبيبي .. لون العينَينْ

ولمّا قِلَّا يا زغيرِة

تحَلَّيتي وصِرْتِ كبيرِة

صارتْ تبكي الحلْوَايِة .. وتضحك تضحك المْرايِةْ