كلمات اغنية من يوم تغربنا فيروز 1994

من يوم تغربنا وقلبي عم بيلم جراح

يا ريتها بتخلص ها الغربة تا قلبي يرتاح

من يوم تغربنا وقلبي عم بيلم جراح

يا ريتها بتخلص ها الغربة تا قلبي يرتاح

يا ريت منرجع نتلاقى وتفرح فينا الدار

وقلوب اللي كانت مشتاقة لا تحن ولا تغار

يا نار الفرقة الحراقة شو قسيتي يا نار

رسايلنا اللي حرقتي وراقا، وراقا آه صارت بلا جناح، من يوم

يا ريتها بتخلص ها الغربة تا قلبي يرتاح

يا ريت اللي راحوا تركونا ما ينسوا اللي كان

نسيوا اللي كان بينسونا بيصير الزمان

حلوي سرقوا لها من جفونها ليالي نيسان

وما بتقدر لا تشوف عيونها لا تنسى اللي راح، ولا تنسى اللي راح

من يوم تغربنا وقلبي

تا قلبي يرتاح

أصعب من إيام الفرقة من الليلات السود

إنك ترجع لا في ملقى ولا حب ولا عود

غير الماضي إلي ما بيبقى يا ريته بيعود

وإسرق وجهك مني سرقة وخبيك وإرتاح، وخبيك وإرتاح

من يوم تغربنا وقلبي عم بيلم جراح

يا ريتها بتخلص ها الغربة تا قلبي يرتاح