كلمات اغنية الجفول فيصل المداريه 2021

الجفـول اللـي توايـق علـى حــدب الضـلـوع

حـوّلـت بـيـن الحنـايـا .. وانــا خليـتـهـا

تـدلـه بقـفـر المفـالـي بقـلـب ٍ فـيـه روع

ومـن حذرهـا !! شـوف عينـي ليـا لديتـهـا ..

جـازي ٍ ترعـى السراجـيـف وتـفـز وتـفـوع

تستذيـر مـن الهبـايـب .. ومــن تنهيتـهـا !

إن تـوارت قـلـت : لبـيـه يالـغـرو الـفـروع

وإن تعالـت قـلـت : ياعـزّهـا .. ياصيتـهـا !!

الهـواويـه عـلـى بيتـهـا مـثـل الـجـمـوع

كنّهـم ( وِرِد ٍ علـى غـب ) .. والـمـاء بيتـهـا

مايـطـرّون إسمـهـا الا تسـابـقـه الـدمــوع

مــن عـيـون ٍ تطـلـب الـقـرب يابلفيـتـهـا

إن باقـي مـن رجاهـا علـى تـالـي السـبـوع

سـاعـة ٍ ماينـعـرف حيّـهـا مــن ميـتـهـا

أفطمتنـي عــن سـواهـا !! وخلتـنـي قـنـوع

مابعـد حبيـت لـي نـفـس مــن حبيتـهـا !!

يـاوجـودي والـوعـد ليـلـة ٍ قـبـل الـربـوع

كـل ٍ أمساهـا وأنـا سـاهـر ٍ مــا أمسيتـهـا

قلبهـا نــار ٍ تـواقـد .. وأصابعـهـا شـمـوع

تحتريـنـي فــي وعـدهـا وأنــا ماجيـتـهـا

إستماته !! خوف !! رهبه !! ضما !! تشتيت !! جوع

غيرهـا أشيـاء لـو أعـرف إسمـهـا سميتـهـا

الحظيـظ اللـي تهيّـت لـه الدنـيـا ب" طــوع "

دلّـهـا قبـلـي وأنـــا تـهــت مادليـتـهـا

كـل عمـري عشـت بـه .. ماعـدا ليلـة ربـوع

إبـتـدت ياليتـهـا .. وإنـتـهـت ياليـتـهـا