كلمات اغنية العيوف فيصل المداريه 2021

العيوف اللي زعلها وصل حده

واخضعت شوامخ الشعر لرضاها

.

علموها كان باقي بها شده

لاتمادىً فالقطيعة وننساها

.

جابها الشعر الحقيقي قبل مده

وجاب معها شلقتٍ كنّها اياها

.

وجاتني من عالي الحب منهده

واطرحت من فوق صدري محياها

.

واستوت عندي طويق وبحر جده

كل شيٍ تامره جعله فداها

.

ماطرحنا الا الهوا لعنبو جده

والامور الباقيه قد طرحناها

.

ذي حفيدة من حمى حده بحده

شايبٍ مايدعي الطير بأسماها

.

كل ماجاها حمر عينٍ ترده

ماتت ورود الضوامي على ماها

.

كنها وضحاً على دبره وكده

عند مصلاحٍ يشطّر معشاها

.

أحذف شماغي على المتن واوده

لاتنحّرها الهوا ثم تقفاها

.

صدرها صدر اللي يدور الهده

وردفها هو اللي مثقل خطاها

.

كل ثوبٍ تلبسه خطرٍ تقده

ماتطول خامة الصين وياها

.

كانها ياناس ماتبغي الرده

لاحدٍ يقسى عليها ويشناها

.

اتركوها تقفي وتعلن الصده

مازين من اقبالها الا مقفاها