تاريخ طرح اغنية فيصل المداريه الجديده لا اقبل على الصاقب هبوبه تكبه
٠٨ مايو ٢٠٢٠
كلمات اغنية لا اقبل على الصاقب هبوبه تكبه فيصل المداريه 2020
عل السحاب اللي رقابه مهانيع
لا اقبل على الصاقب هبوبه تكبه
مقدم سحابه واخره يمكن الريع
وجنب جنوبٍ لين تاصل لربه
كن البروق اكبوس غازً مواليع
صوت الرعد يصحابه اللي بجبه
عله على هاك الهضاب المصاليع
ياخذ ثلاث وجاب والماء يصبه
لين يغدي لرقابه عشبه طواليع
من يوم سقاه المطره محد طبه
ماتشوف فيه ألا الطيور المواقيع
دارً ثرها راعي الابل يحبه
اليا انتهو من حسبته بالاسابيع
يقبل عليه اللي حلاله يربه
يرتعبها في صيف ولا مرابيع
وفي حبها مايسمع اللي يسبه
في شفها دربن تذبه تسانيع
ماتشتكي جور الزمان ومهبه
لو يتسلف قال مهيب للبيع
الابل هواء القلب المهايم وطبه
في حبها ياعنك مسمع ولاطيع
يكفيك من زود اكثر الهرج لبه
غطت على حب البنات المفاريع
اللي هواهن كل قلب(ن)لعبه
الابل عظام المال كسب الطماميع
يوم النفوس الجايعه مشرهبه
من ذاق من لذة هواها قراطيع
عنده تسواء الصادره والمغبه
اغنية لا اقبل على الصاقب هبوبه تكبه فيصل المداريه 2020 بالكلمات مكتوبة كاملة تم طرح اغنية فيصل المداريه الجديدة على القناة الرسمية على اليوتيوب بتاريخ ٠٨ مايو ٢٠٢٠ كوبليه كلمات اغنية
