كوبليه ما هي كلمات اغنية الوصية ليل المحمدي ...؟
تاريخ طرح اغنية ليل المحمدي الجديده الوصية
١٨ أبريل ٢٠٢٣
كلمات اغنية الوصية ليل المحمدي 2023
من اللي شفته مستعد اختار نهايتي
مش باقيلي وقت أعيشه الموت هوايتي
لاجل اي كل ده لي افهم حكايتي
راح ابويا وكل شي راح معاه
لاجل قسوة ابنه اللي المال عماه
بعد ابويا كل شي بنا انتهي
عارف انت معني وحدتك دي اي
القريب يكون غريب توجع اوي
حتي اللي بيفهمك مش لاقيه
مش محتاج فلوس ولا محتاج كنوز
بس محتاج اصحا من ام الكابوس
في المرايا شكلي يتحول عجوز
مين انا كام سنة فرحي اتقتل
عمري شاب شكله اب بدون عيال
اللي عاش غير اللي من اوجاعه قال
لو تجربه هتفهمه السؤال
الف اه من الحياة زادت مرارنا
اللي شفته ف عمر ابويا ياما شالنا
لا اعتراض ده قضاء قدر وزارنا
مش باقيلي غير موبايلي في صورنا
ساب وصيته وكلامها كان لي صدمة
كل كلمة تشد كلمة صدمة جامدة
المعاني متوهاني الغازها غامضة
قال سامحني صعب كان ينطق لساني
ازاي اجرح اللي ياما صان كياني
مش ابوك ولا اخوك اللي آذاني
قالي انت ابن صاحب عمري انا
اللي مات ف غربة من عشرين سنة
وانت كنت بعده طفل ف مطحنة
جنب ابني قولت تبقي ضهر ليه
هو يخاف عليك وانت تخاف عليه
كل ورث ليا انتو ليكو فيه
عقلي غاب شعري شاب دمي اتحرق
طب فين امي ليه مقالش ف الورق
عقلي قال شفت اخوك وقسوته
هو السبب أبوه شاف اخرته
يعني اللي في عمرها سهرت عشاني
هي امي ولا دي ام الاناني
قومت اشوف اي خط سير لحالي
مش لاقي غير تليفون اللي اتباني
جوه تليفونه بشوف ذكريات
شفت جوه الواتس اغرب الشاتات
ست كنت كل عيد ليها ذكاة
الكلام بينه وبينها كان عليا
قالها ابنك ده ابني نور عنيا
وانتي اخت ليا صاحبي مش شوية
يعني الست اللي كل سنة بزورها
بديها الذكاة عشان تكفي دارها
هي امي وانا ضناها اللي شايلها
علشان كده كل اما اشوفها كان
بلمح جوه عينها بحر من الحنان
عرفت لي بتمني الموت يا زمان
اغنية الوصية ليل المحمدي 2023 بالكلمات مكتوبة كاملة من كلمات shams elnasef تم طرح اغنية ليل المحمدي الجديدة على القناة الرسمية على اليوتيوب بتاريخ ١٨ أبريل ٢٠٢٣ كوبليه كلمات اغنية
- كلمات : shams elnasef
