كلمات اغنية جوا مني كركبة ليل المحمدي 2024

جوا مني كركبه

تفاصيل متشقلبه

عايش ف دنيا متعبه

همي منسيني ضحكتي

جوا قلبي سكاكين

وجعي م القريبين

فجأه جريت السنين

وسرقت مني فرحتي

ف دماغي دوشه ودربكه

وعيوني جفت م البكا

قلبي من الهم اشتكي

وف كل حلم مليش نصيب

كل حاجه حلوه ضاعت

والحبايب فجأه باعت

كل شئ ف عيني باهت

حتي شكلي بقي غريب

انا قلبي م الناس اتأذي

قتلوني وبياخد العزا

حياتي مش كويسه

ونفسي بس افرح ف يوم

محبوس ف اوضتي الضيقه

من وجعي نفسي ارتاح بقي

خلاص تعبت من الشقي

وبقيت بنام مقدرش اقوم

امتي هنسي الي حصل

حطولي السم ف العسل

ازاري هداوي الي اتكسر

وازاي هرجع الي فات

عيشت شايل هم غيري

لحد لما اتهد حيلي

وجعوا قلبي ونكروا خيري

انا نص حي ونص مات

هدولي كل الي اتبني

حتي انا مبقتش انا

من عمري عدي كام سنه

مش لاقي بر ارسي عليه

حتي ملامحي اتغيرت

احلام كتير اتكسرت

حتي القلب اتبدلت

باعني الي كنت مشتريه