كلمات اغنية وش السعد ليل المحمدي 2025

ظلموكي لمّا قالوا إن إنت للقمر شبيه

قمر ده إيه اللّي يتقارن حبيبي أنا بيه

لو جيت أكتب كلام عنك بحتار أنا إيه

لو هحكي شريط حياتي إنت أحلى حاجة فيه

مش عارف إيه اللّي بيحصل فيّ لمّا تنادي إسمي

بحسّ إن الأدرنالين بيجري جوّة دمي

يا كلّ حاجة ليّ إنت بنتي وإنت أمّي

عايز أقول لك إن أنا مجنون بيكي رسمي

حبّي كلّ يوم يزيد صعب يجي يوم يقلّ

حتّى لو مفيش جديد عمري منك يوم ما أملّ

لمّا أكون مخنوق بيبقى حضنك إنت هو الحلّ

ده إنت وش السّعد لمّا جيتي الخير معاكي هلّ

صعب نتغيّر في يوم صعب نبقى زيّهم

يا ربّ الضّحكة تدوم على وشك يا ستّهم

أحلى حاجة فيكي هي إنّك غيرهم كلّهم

حبيبتي حبّنا صعب يستوعبه عقلهم

بيحسدونا ونفسهم يشمتوا مرّة فينا

مستنيّنا نبعد وبيتمنّوا الشّر لينا

بس اللّي بنا أكبر منهم ربّنا حامينا

يا ربّ أبعدهم عنّا ومن عيونهم تدارينا

مفيش في الكون ده كلّه حاجة تخلّيني أخسرك

ده أنا أهدّ الكون كلّه لو في مرّة زعلك

بحبّك آه بحبّك ذايب فيكي وبعشقك

أنا لو هتمنّى حاجة هتبقى إنّي أبسطك

حبّي كلّ يوم يزيد صعب يجي يوم يقلّ

حتّى لو مفيش جديد عمري منك يوم ما أملّ

لمّا أكون مخنوق بيبقى حضنك إنت هو الحلّ

ده إنت وش السّعد لمّا جيتي الخير معاكي هلّ

صعب نتغيّر في يوم صعب نبقى زيّهم

يا ربّ الضّحكة تدوم على وشك يا ستّهم

أحلى حاجة فيكي هي إنّك غيرهم كلّهم

وأنا وإنت حبّنا صعب يستوعبه عقلهم