كلمات اغنية اخر احبابي ماجد خضير 2020

هلا مرحبا راحت مراويح كيف الحال

‎أنا وين ابلقى عذر مقنع مع اصحابي

اشوف العلاقات القديمه تطق الجال

‎لكنّ الجديده مرّت .. و طقّت ابوابي

سموعي لها شهرين عن نغمة الجوال

‎دفنت الرسايل يوم ماتت بوتسابي

وسيع البطان احيان ماهو وسيع البال

‎ظروف الزمان الوالعه تحرق اعصابي

مزاجي عليه من المشاريه قيل وقال

‎من اوّل حبيبٍ حبّني لآخر احبابي

ترفعّت عن عوج ٍ رموها عليّ أشكال

علشان أقدّر لحيتي واحشم اشنابي

لو ان الحصان اللي غزوا به طويل حبال

‎رضخت ورضيت بحبله اللي تلوّابي

تعالوا يا خلّان الرخاء حطّوا المعدال

‎لحد يصدر احكامه قبل يعرف اسبابي

لو قلوب خلق الله نوافذ بدون اقفال

‎ما قامت وطاحت هقوتي بأقرب اقرابي

يا كثر الحلوق اللي تغنّي على الموال

‎وصوت ٍ بدون احساس ما يكسب اعجابي

تنوّع وجيه الناس .. وآدم كريم سبال

‎عياله سلايل .. من تردّا ومن طابي

هذا الهابي اللي طالع ٍ من ظهر رجال

‎وهذا الطيّب اللي طالعٍ من ظهر هابي