كلمات اغنية النعاس المضاليل ماجد خضير 2019

مادام ان الوصل ماهوب بيديني ولايدينك

ولابه في يدي حيله ولاحاجه اسويها

عسى ربي يعين اللي بعيدً عنك ويعينك

وهو كله جروح ولالها الا انتي يداويها

اليوم شمس وشاعرك يعشق الليل

وهمسك وشعري والنفوس وغرضها

ايام راحت والعوض بالمقابيل

غلطه وعدت وابشري في عوضها

ان عاش راسي والليالي قناديل

مانفترق ولا القلوب لبعضها

الصعب لعيونك يعود تساهيل

حتى المسافه دون وصلك رفضها

صوتك عذوبه للحكي والمواويل

ولغه يدينك سالفه نتعضها

ليا طرق رمش النعاس المضاليل

غبطت شوف عيوني الي لحضها

روح الحياه اجمل شعور المواصيل

بين النفوس الي غلاها نهضها

تبسمي ماعاد فيها جرى السيل

وخلي علوم الي تموت بمرضها

واثري على موعد لقانا المراسيل

وتجاهلي ليله كدر نفترضها

الشعر فيك الجدي وابداعه سهيل

وانتي قصيده حب محدن نقضها

للشعر معنى وللمواقف رياجيل

وحميد وقف والقصيده حفضها