كلمات اغنية بعايدك بالعيد ماجد خضير 2025

بعايدك بالعيد قبل تعيدين

وعيديتي كلمه عليك أهديتها

كلمة أحبك في عياد المسلمين

تفرق بمعناها وفي توقيتها

ولو تطلبين اغلى الهداين تامرين

تفداك ياأغلى جادلٍ حبيتها

جيتك وانا مشتاق ابيك تسولفين

سوالفك مثل الدوا لا اطريتها

ماودي اسمع غير صوتك تسمعين؟

نبرات صوتك موت يخرب بيتها

زود عليها كثر ملح وندر زين

ومفاتنً تغري لو انك اخفيتها

ونجلن وساعً مثل ضرب المارتين

ولا السيوف ان سلهمت سليتهاا

والضحكه اللي هزت العقل الرزين

لو عدتها عامين مامليتها

وانا ادري ان الحب مايعطى ثنين

جريمةً غصب علي سويتها

حبي قبل حبك لجرعات الحنين

" محبةً " بموت ماخليتها

هاذي غزايز بوش ذباح السمين

تبت يديني كان ما عزيتها

امطنفه ومعززه في كل حين

وعن شفها والله ما رديتها

حب الطوافح غير من ماض السنين

عشرين عام احبها ما اسخيتها

وعودً عساه ب جنه ومع حور عين

زود غلاها من غلاه اغليتها

ويالجادل الفارق يا وضاح الجبين

كل الامور الخافيه عديتها

من كثر ما احبك عشان تصدقين

على اسمك أطيب ذودنا سميتها