كلمات اغنية تكفي جروحك ماجد خضير 2024

سامحيني تراني طاريً لي طواري

ناوي اتـركك واترك كل دربً تجينه

كنت مجنون في حبك وكنت انتحاري

واثر حبك بداية كل لحظه حزينه

كل ماجيت لك من ضيق الايام ساري

كن مافيه ضيفً جاك تستقبلينه

ليتني حافظً عن جيتي لك وقاري

وانتي اسمي وقدري عاد ماتجهلينه

عاشقك من عتيبه متعبين المماري

والعتيبي لاحب افدا بـ قلبه وعينه

صار حبك تعب وانا ادري انه اجباري

ليه محـبوبك الي حـبك تتعبينه

والمحبه مافيها باب مخرج طواري

من دخلها بيقضي في كنفها سنينه

تكفي جروحك الي فيّ منها مواري

مابقى بي مكان ما انجرح ، تجرحينه

ادري ان زيـنك الفـتان ماله مجاري

وادري ان كل زينه معك ماهيب زينه

وادري ان لو سترتي جسمك تقول عاري

لو سترتيه .. بالفسـتان ماتسـترينه

وادري ان شفتك نهراً من التوت جاري

ماهي بـ مثل نهر النيل وانهار سينه

ولو جمالك ينوب عن القمر فالغداري

ونور وجهك لاشعشع مثل نور المدينه

دامني قد نويت .. مفارقك بـ اختياري

والله اني ما اجي لك لو وصالي تبينه

روحي بعيد عني وابعدي عن مساري

واسكني فالمكان المبعد الي تبينه

ودوري شاعراً يكتب لك ابيات غاري

هاذي اخر قصيدً من فمي تسمعينه