كلمات اغنية سنين العمر ماجد خضير 2025

يا ليل الشتا يا قصر ليلك على السالين

تهنابك اللي ما انشغل وأشتحن باله

مقاديمك السلوه على هجعت الهادين

تمر و تعـدا ما تكــدر على الداله

وأنا تأخذ عيوني على جرة السارين

عليه ديـون وكل الافـكار شغاله

ما يدله ضمير اللي عليه الجمايل دين

يشيل الجميله فوق راسه مع عقاله

أنا كيف أبسلا واترك الواجبه بعدين

وجمر الغضى فالصدر الي عام مشتاله

ولا يجحد حقوق النشاما طويل يمين

ليا طاوله معروف من راعي الطاله

تبجح ظلام الليل والصمت والروتين

ومفاتيح باب البوح ما تفتح أقفاله

بعد راح ثلث الليل أغني مع الثلثين

على اللحن والابداع مشروب فنجاله

اأخذني نصيبي في بحر عالمٍ ثانين

وشاف العجب في قوة الموج وأهواله

أساير زماني وأكسر النفس للغالين

ف وقتٍ يخاف الرجل لا يامن ظلاله

معي نفس صاينها عن الزيف والتلوين

ولاهي على غرات الأجواد ختاله

أحب الوفا والصدق ومصاحب الوافين

وأحب الكريم اللي خسايره من ماله

وأحب الجزاله والسماحه وأحب اللين

وأحب رمضان وفرحة العيد وهلاله

وأحب البشاشه فالعرب والقبال الزين

وأحب الربيع وبارق الغيم وخياله

وأحب الصلاح اللي صلاحه صلاح الدين

ليا طاب قلب الرجل فال السعد فاله

ازكي على الطيب وازكي عمود الدين

وصوت الحقيقه ينعش الروح مواله

سنين العمر رحلة تجارب لها وجهين

قساوه ولين وخبرة الرجل معداله

ولا جفت الأقلام في صفحة الكتفين

يسجل كلام الرجل وتسجل افعاله

عساني ما موت وباقيٍ في رقبتي دين

جميل النشاما يلحق الرجل وعياله