كلمات اغنية ياحبيب الروح ماجد خضير 2024

لا بغيت تروح علّمني واروح

قلبي اللي مشغله حبّك هدا

.

كان يا ماكان لعيونك لحوح

دقّته لجلك .. تغنّي واتحدا

.

لين شفت الهجر برّاقه يلوح

والغلا طارت به الريح وغدا

.

يوم قلت الشكّ هدام الصروح

تحسب اني من قريبين المدا

.

قامت الريبه على نارك تفوح

قلت يا نار اخمدي قالت بدا

.

كان عندك بوح خلّه لا تبوح

الكلام اثقل من جبال الهدا

.

ما بقى غير الحمام اللي ينوح

لو يجرّ الصوت ما يلقى صدا

.

كنّه موصّى يموح الوجد موح

كل ما تطري على بالي شدا

.

زهرة أيامي مع الوجه الصبوح

كيف ذبلت لا رحيق ولا ندا

.

يدري اني كنت له خل ٍ نصوح

وادري انه بالنصيحة ما اقتدا

.

يا حبيب الرُّوح ما للحبّ روح

انتهى وصلك بعد هجرك بدا

.

في امان الله تفداك الجروح

وذكريات الحبّ لعيونك فدا

.

المشاعر ما يجي فيها مزوح

لا تجاملني بعد ضاعت سدا

.

عطني الفرقا وانـا رجلٍ سموح

هاتها بالطّيب وإلّا بالرّدا