كلمات اغنية عمري الجاي متعب بن دخنه 2025

مدري وش اسميك يا عمري الجاي

وشلون اعيشك وانا عايش بدوني

الشوك ماهو من دروبي من خْطاي

والخيبة اللي جاتني من ظنوني

يا مدوريني بين شوقي وذكراي

اليا وصلت لراحتي ضيعوني

ياليل رجّع ضحكةٍ جابت اقصاي

بنتٍ يعلّقها الغلا في جفوني

مدري وش اسميك يا عمري الجاي

وشلون اعيشك وانا عايش بدوني

حبيبتي اذا بقى للوصل راي

تعالي ومرّي على اخر طعوني

من بعد كفك ذبلت خطوط يمناي

وعلى دروبك ذابت نجوم كوني

الدمع كان اكثر بواجد من بْكاي

عشان يترك لك مكان بعيوني

أول نفس صبّ وجرى في حناياي

خَذته من أنفاسك وحرّك شجوني

ملاك اشوفك يا اجمل اقدار دنياي

غير الثنين اللي على أعلى متوني

حكيتي وعاف القصب بحة الناي

سكتّي وغنيت لجلك لحوني

جلست ألملم مابقى من بقاياي

ومرّ آخر احلامي ولاحظ حزوني

قال انت ترقب واحدٍ ماهو بجاي

وقلت انتظر عمري من اللي نسوني

حبيبتي شعري طموحاتي رْضاي

عرفتهم على بعض وتركوني