كلمات اغنية لاتنكسر متعب بن دخنه 2023

لاتنكسر

طال الصبر يا هوا بالي وانا محتريك

وزادت حصيلة معاناتي وطال السهر

يا جعل يسقى يديني لا امسكت في يديك

يا جعله ابرك زمان وجعله ابرك شهر

شاعرك مغرم بك وهايم وميت عليك

محبتن صافيه يا ابا الدلع والطهر

ودي اجي لك وعيا وقتي اني اجيك

وقتٍ ظروفه اتشوْفني انجوم الظهر

انت امهّرك ماهو ابدبله وساعه وشيك

كل العمر كل ابوه اقدمه لك مهر

ارخص لك الروح وابيع العرب واشتريك

ياللي وصالك سعاده وابتعادك قهر

كنك تناديني ابصوتك لا فكرت فيك

واقول لبيه من صادق ضميري جهر

من زينك الله يرحم والدا والديك

ما فيه مخلوقٍ اتمره كذا ما انبهر

طال الصبر يا هوا بالي وانا محتريك

وزادت حصيلة معاناتي وطال السهر

لا تلوم من ذاب بين ايديك هذي وذيك

انتَ ولو قلب من شافك حديد انصهر

انا اهتويتك وحتى هاجسي مهتويك

ما فيه بيتٍ ما قلته فيك ولا اشتهر

مالك بقلبي ولو يطول بعدك شريك

محبتك ثابته بالقلب طول الدهر

لا تنكسر خل صرح الحب باقي سميك

اضيق لا شفت بخدودك مجاري نهر

لا عاد تنزل دموعك عقبن ازعل عليك

اخاف بخدودك الثنتين ينبت زهر

طال الصبر يا هوا بالي وانا محتريك

وزادت حصيلة معاناتي وطال السهر