كلمات اغنية ليلة وداعك متعب بن دخنه 2021

ليل الشتاء والشوارع والهدو والظلام

تشمت على الخاطر الحسّاس وتعيّره

حبيبتي كيف ابلقى لي عيون تنام

وطيوفك تمر حلو النوم . وتطيّره!

وشلون ابنام وانا عاد عندي . كلام

وليلة وداعك طويله ماهي قصيّره

شفتك وماكنتي البارح على مايرام

ملامحك كانت من الحزن . متغيّره

تبسمي بسمتك حلوه وطاريك هام

ماحب الاقيك . مكسوره ومتحيّره ؟

لاعاد تبكين هذا الوجه يبكي؟ حرام

ياجعلني ماخلا من روحك . النيّره

اجمل مايمكن تشوفه فالهوى والغرام

ملامحك كل ماجيتيني . مسيره

تعالي ولك علي ان تبلغين المرام

وجميع ماودك انه يسير . ابسيره

صغيرتي لو مضى من عمرك الفين عام

تبقين في عيني وفي قلبي صغيّره

قلبي لـ قلبك سما وانتي حمامة سلام

محتاجه تعود للاغصان . ومذيره

ترى حبيبك مثل ماهو هيامه هيام

لو غير الوقت كل الناس . ماغيره

باقي على الحب والتقدير والاحترام

حتى لو ان الليالي . لاعنه خيره!