كلمات اغنية معنى الحياة متعب بن دخنه 2025

جابك الله يا نديم السحايب والنبات

والنسيم اللي يداعبك لا منّك مشيت

آنا ما لي عن وجودك سبيل ولا غناة

وانت ما قصّرت فيني وكفّيت ووفيت

يا كثر ما في شعوري حنين وذكريات

كثر ما سرّيت قلبي بـ طاريك وسريت

وان تربص فيني الشوق من كل الجهات

ابتسمت وقلت ناسي مع اني ما نسيت

أنت ما كنت أمنية بس ضمن الامنيات

أنت شكي لا سرحت ويقيني لا ضويت

السعادة ترتبط بك ، شروط ومعطيات

ان زعلت القلب يزعل ويرضى لارضيت

يا نديم " الشاعرية " وروح المفردات

ما بعد يا وجد روحي عليك الا يا ليت

ان طرا طاري قصيدي لا يطريك المبات

لين تفهم كل فكرة .. وتسمع كل بيت

غير مايفرق وصوفك عن وصوف البنات

فيه ما يمسح دموعك ، ليا منك بكيت

البيوت اللي .. تعلمك عن معنى الحياة

لو تحس بصادق احساسها كان استحيت

يوم ودعنا بعضنا .. وحسيت بـ شتات

اذكر اني بعدها نمت ، لكن ما صحيت

توّي آصحى ياحبيبي بعد طول السبات

أثرني ميّت من الشوق .. وآنا ما دريت