كلمات اغنية تبرد الدنيا محسن العجمي 2018

تبرد الدنيا وترتاب القلوب من السكينه

لا شوارعها دروب ولا مساكنها مباني

واتضايق لين ما القاني على اطراف المدينه

ما لسمعي غير غصّات النسم بين المحاني

رحت مثل اليائس اللي تكتم انفاسه يدينه

لين ما مرّت علي احداث عمري في ثواني!

عشت يا صوتٍ يعود الليل ذكراه وحنينه

قالو العالم نساك وقلت والله ما نساني

والله ان قلبه جريح ووالله ان نفسه حزينه

ووالله انّه مثل ما أعاني من الفرقا يعاني

لو نسا وجه الفجر صبحٍ يصبّر ساهرينه

ما نسيتك يا أوَّل أحبّك نطق فيها لساني

كيف ينسى من غفى وجهك على راحة يمينه

كيف ينسى من تفاصيله بقربك عمر ثاني

كيف ابنسى وانت ماينساك احد مرّيت عينه

كيف ابنسى وانت لي هالحين وانت اكثر زماني

الليالي دون ضحكاتك نسايمها غبينه

كلها صارت تذكرني بصوتك لا دعاني