كلمات اغنية شكراً محسن العجمي 2019

شكرا على كل حاجه ماعدا امالي

و حـلمي اللي بنيته و انت .. هديته

تدري وش اللي فرق معك اول وتالي ؟

بيض النوايا و صدق شعور حسيته

واليوم طاح القناع اوّاه يالغالي

من بعْد سيف الهجر بيديك سلّيته

ماهو بطبعك ولا هذا من اهمالي

مافيه شيءً على شانك ماسويته

هزيّت قبل اتقهوى منْك فنجالي

والعمر معك انتهى لو ماتقهويته

فرقاك مكتوبه وما جات في بالي

مكتوبه بَ زاوية حزني .. وناصيته

ودعتك وكل جرحً منْك قتّالي

صرح الهوى و المحبّه انهدم بيته

لو يشرح الليل عن وضعي و عن حالي

ويسولف الشارع اللي معْك مريته

والوقت و الحظ وعذالك وعذالي

والشوق و الحبّ و الحزْن وتناهيته

من ذكرياتك خذيت المر والحالي

والطعنه الموجعه من شخص حبيته

طالت بي دروبك وهمّي وغربالي

و مات الشعور وخذا كل شيء تمنّيته