كلمات اغنية مابقا لك شيء محمد البريكي 2021

حزن كبدي لاذكرتك واسبل الدمع وعصاني

ينبش الحب القديم وتنفض اللهفة غبارة

ياعديم الحس قلبي يحترق شوق ويعاني

وانت بيدك قبل تقفي ذابحه في عقر دارة

وجاي تسال وش جرالي يابرودك يا اناني

ذاب قلبي في غيابك وانهمر دمعي بغزارة

المدينه عقب هجرك كن ما فيها مباني

والشوارع عقب هجرك كن مافيها إنارة

صرت اعيشك في القصايد والتقي بك في الاغاني

وانتهيك بحرق صدر ونار تشعل في يسارة

الصراحة خاب ظني فيك يـا غلطة زماني

اشهد انك درس قاسي طاحت بخدي ثمارة

مابقالك شي عندي يكفي الي منك جاني

مـ نته الي يستحق يعيش قلبي في انتظاره

ليت ربي عن جمالك قبل يغويني هداني

وليتني سلمت قلبي من عذابة وانهيارة

ياسقی الله يوم كنت اشوف بك كل الاماني

مات كل اللي جذبني في عيونـك ياخسارة

غرني ماغرني بك وابتلا قلبي  وبـلانـي

ومالقيت الا جروح وما جنيت الا انكسارة

طاحت اوراق الغرام وعادني واقف مكاني

وانهزم اخر شعور احتل في قلبي الصدارة