كلمات اغنية اسيرك محمد الزعيزعي 2025

ياليل الشتا ليلك مطول على الاحباب

وضحاياك من تحريح الايام ماتبرا

انا ادري بثقلك وانت تدري وش الاسباب

ومن حب يدري واكثر العاشقين ادرا

معك ينفتح لأشواقنا ولحنينه بابه

ونسترجع الماضي ونسترجع الذكرا

من يحب ويفارق تشوفه على المرقاب

يكوسر لحونه كل ماتطلع القمرا

على كل شطر من بيوتي تطير اسراب

تعانق سماي وجرة الصوت ماتطرا

بصدري صهيل خيول مدري حنين ركاب

وتلمح بعيني عبرةٍ مالها مجرا

معك تمضي ايامي وقلبي معك مرتاب

اسيرك وواجد غيري بعالمك اسرا

انا تايه الوجهه وانا تايه الاصحاب

وانا الممتلي من فوضوياتي القشرا

غموض وملامح صمت مقفي وقلبٍ تاب

نواياه من طيبه مع الخيل ياشقرا

ابي لي ركن هادي بعيد وقلم وكتاب

ولا كل كلمه تنكتب بالقلم تقرا

انا لا شرحت الي بصدري عن الغيّاب

مهب شرط يدري عنه عشّاقة المسرا