كلمات اغنية الخاطر المزحوم محمد الزعيزعي 2024

انا لو معي ضد المفارق قوى وعزوم

ما كان انطوا حالي ولا دمعّت عيني

أجامل مع النشاد في نشدته وأقوم

وأشوف الامل توي واشوفه ما يمديني

ابي من يخفف ضيقة الخاطر المزحوم

وابي من يضمد جرحي ومن يداريني

والآ يا حبيبي لا ذكرتك وانا مهموم

تزيح الهموم اللي من اول تخاويني

وانا معترف قدامك اني انا المهزوم

مع اني شجاع وطيب فعلي يكفيني

واهايم على شوفك وانا من وراي سلوم

وأجنّب طريقً صوب بيتك ، يوديني

ترا قلبك الآبيض معى قدك المرسوم

عن الناس واللي من ورا الناس تغنيني

وانا حافظك من هرجة الي وراه علوم

مثل ماحفظ لساني عن العيب ويميني

وانا استاهل اني لا دعيتك تجي وتقوم

ولا استاهل ان يدينك تفارق يديني

وانا مسامحً خدراتك الي تجيب النوم

على مامضى من عمري وباقي سنيني

والى قامت العبره تغطي على البلعوم

تراني دخيلك لا تزايد وتبكيني

ولا مر يوم وما يجي طيفك مْع اليوم

وليتك مع طيفك ليا جاني تجيني