كلمات اغنية ملهمة شعري محمد الزعيزعي 2023

يا ملهمة شعري معك ويش السواه

ناديت لك لكن صوت بلا صدا

ونزلت لك قدرٍ رفيعٍ مستواه

ما قد نزل من ذل ولا من ردا

وجيتك وأنا ما بين وجه وبين جاه

ومن يوم قفيتي معك راحت سدا

واللي على درب الوصل ما الله هداه

مهما مشى في الهجر ما حوله قدا

ترى القطاعة فقر والوصل الغناه

كانك تعرفين الخبر والمبتدا

وشاعرك مهما صار ما يلحق مداه

لاصفوا الشعار ما معه معدا

هذا وهو ما جاب كل اللي وراه

ينومس الأصحاب ويغيض العدا

وأنت على ما قيل قلبك من صفاه

أحاول أهاديه لكن ما اهتدا

دامك حياة اللي فقد معنى الحياة

ترفقي باللي من أسبابك غدا

وردي علي حتى لو تقولين هاه

صوتك ليا من سمعه الضايق هدا

وتعالي الله يقطع الحب وغثاه

ما عاد لي قدره ولا عندي جدا

أباخذ اللي ما أحدٍ قبلي خذاه

وبعطي اللي تسبقه كلمة فدا

أباخذ اللي ما حدٍ قبلي خذاه

وبعطي اللي تسبقه كلمة فدا

وخذي جميع اللي حلفت لك بغلاه

وتخيري في كل حاجه ما عدا

قصيدي اللي في الشناح وفالدهاه

هذه ما فيها إلا معصي ولا بدا

الإبل وصاه وخوة الطيب وصاه

والله ما خليها على طول المدا

والله ما خليها على طول المدا