كلمات اغنية زفة اقبلت تنثر محمد الشحي 2022

هلا بلي اقلبت تنثر

عبير الحب و الأزهار

هلا يا بهجه الليله

هلابج يا فرح مليار

عليها سمو بِسْم الله

وصلو عالنبي المختار

ترى مالزين لي فيها

نباها تقرأ الأذكار

تجلت بالحسن يلي

بنوره يبهر الانظار

وفي كل خطوه تخطيها

تحيط الارض بالانوار

حوت كل الجمال العذب

جناح الزين ابها طار

جمالن فايق ولايق

وحتا الشمس منها تغار

ولا نغبي عليها صدق

وفيها الحسن محتار

اسمها جا على مسمى

فرح هي فرحه الاخيار

كتبها الله سبحانه

نصيب وشائت الأقدار

وسالم بالغلا اختارج

ولج حشمه ولج مقدار

احاسيسه لج اتغني

على عصنن من الافكار

وترجمها لجل عينج

ويعزفها الوفا عوتار

سكن في قلبج الطاهر

وشيد لج في قلبه دار

لج الإخلاص وعهوده

تداري ليل ولا نهار

وقع ع كتاب الحب

وساق لعينج الإشعار

يمينه صافحت يمناج

على درب الوفا بج سار

عساها هذي الفرحه

تدوم بطيبات اخبار

ومن يزرع زهور الطيب

حصاده يشذو ب الأزهار