كلمات اغنية حفلة 9 محمد الشرنوبي 2024

فاكر يا حبيبي فأول مرة نزلنا خرجنا

وفاكر المطره وجاكتك الأسود فاكره أكيد

يومها قولتلي إفيه من فيلم قعدنا ضحكنا

وساعتها الضحك أخدنا وقلنا هندخل فيلم جديد

أنا فاكر أول مرة سألتك إمتى هننزل قولتيلي بُكره

يومها سهرت أستنى في بُكره وحاسس بُكره بعيد

فين اللي اخترع الساعة ما كان خلّاها في 60 ثانية

إحساسي بيشبه عيل قاعد وبيستنّى العيد

جبتلي يومها فشار

قدام السيما في حفلة 9

كانت الأفلام كُتار

ونجومها يا حبيبي تشبهنا

جبتلك يومها فشار

قدام السيما في حفلة 9

شوفنا من العشاق كُتار

فضلنا في أفلامهم نسرح

أنا فاكر دقة قلبك

لما أنا قولت في يومها بحبك

أول مرة كنت أنطقها

صوت قلبك هز السينما

وأنا فاكرة يومها حضنتك

فاكرة هزاري وفاكرة لذاذتك

فاكرة شياكتك وكسوفك

وانت بتتلجلج في الكلمة

أنا فاكر دقة قلبك

لما أنا قولت في يومها بحبك

أول مرة كنت أنطقها

صوت قلبك هز السينما

وأنا فاكرة يومها حضنتك

فاكرة هزاري وفاكرة لذاذتك

فاكرة شياكتك وكسوفك

وانت بتتلجلج في الكلمة

جبتلي يومها فشار

قدام السيما في حفلة 9

كانت الأفلام كُتار

ونجومها يا حبيبي تشبهنا

جبتلك يومها فشار

قدام السيما في حفلة 9

شوفنا من العشاق كُتار

فضلنا في أفلامهم نسرح