كلمات اغنية العنود محمد العيافي 2021

حي شوف العنود اللي غلاها براني

والله انها برت حالي وروحي برتها

لااقبلت والقوام يشابه الخيزراني

حي ذاك القبال وحي شوف طخمتها

تلبس البرقع اللي صابني في مكاني

وان مشت تذبح القلب الشقي غطرستها

البريقع شعاني والمبيسم شعاني

عينها تجعل الدنيا تمخطر تحتها

يالله العفو حبة خالها شي ثاني

بين رزة معنقها وطول رقبتها

زولها غير بين المترفات الغواني

كن نور القمر يختال في ناصيتها

بري حالي عليها بري عود السواني

عينها الفاتنه جارت علي سلهمتها

اه وبري حالي مالزمان بزماني

كان يمدي يميني بالوصل صافحتها

بين حلو النبا والجانب المرحباني

والله انها خذت قلبي وروحي سبتها

حبها شط بي والحب شره بلاني

جعل جنة عدن مثوى عجوزن بزتها

بنت شيخ مواقيفه تشوق العياني

في كنف بشته الضافي كبيرن بختها

شيخة الغيد بنت معربين المجاني

فعل ابوها رفعها وامها شيختها

من سمعها تسولف لو بصدره معاني

من طراوة نغمها ماقطع سالفتها

لابغيت اهرج معها تلعثم الساني

عيطموس برت روح الشقي وشعفتها

لاجلها سقت روحي سوق والعمر فاني

هي طراوة حياتي كلها واثمرتها