كلمات اغنية ساقني حظي محمد العيافي 2021

يابو فارس ياخوي الجنب لا تشره عليه

كان شفت الخله استرها ولا تكشف غطاها

ياكثر ماشلت في نفسي من الدنيا الدنيه

لين حطتني مقادير الليالي في نحاها

ساقني حظي وجيت التحليه والفيصليه

واول الايام اجي من دونها ولا وراها

البها والغطرسه واهل الحياه المخمليه

عالم مثلي مايذكر فارضها ولا سماها

اقبلت مثل الظبي مدري مثل بنت العبيه

والعرب من حولها لا علها ولا عساها

التفت لي في طرف عينه رماح يعربيه

من نظرها والله ان تبطي جروحه مابراها

الهنوف اللي تحز القلب حز الحضرميه

ليت ربي ماكتب لي عرفها والا هواها

الكبر فيها جبله والطغى والنرجسيه

حتى خطوتها تعذبها ليا ساقت خطاها

تدفع الخطوه ويبلشها الثقل والجاذبيه

تحسب انها تحتها والجاذبيه من وراها

عينها عين اشقر بين الجبال الساحليه

في محاجرها يضيع الوقت مدري وش بلاها

شفت فيها موجز التاريخ في نجد العذيه

يوم نجد تجندل الفريس لا دارت رحاها

ساعة فيها تغيب الشمس حزة مغربيه

الله اعلم ويش بلقى ياسها ولا رجاها

جيتها مثل الدريك اللي على حوض المنيه

بيهديها الله لا والله روحت مالله هداها

صرت انا قيس الملوح عند ليلى العامريه

ليت ليلى العامريه ماخذت قلبي معاها

يابو فارس خلها تمشي ترا النيه مطيه

لا تهايق من ورا نفسي ولا تبحث خفاها