كلمات اغنية مافيك حيله محمد العيافي 2023

يامرحبا ياحفيدة من طفح كيله

الين نجد العذيه ضفها وشاحه

شيخن على الخيل ماتشرب فناجيله

يزارق القوم في طيبه وبرماحه

حضرتي الحفل واشعلتي قناديله

تمشين بين العذارى في تبجاحه

اشتغلت الشيله وذبيتي الشيله

وجسمك تفاصيله ارقاقه وذباحه

الغيد يدرون في منهي ومن هي له

ملامحك غير والابيات لماحه

شاعرك لامن تهزعتي سرا ليله

تومين في شعرك ويومي بمسباحه

مافيك حيله وانا مافي يدي حيله

الا اني اصبح حديث الشعر والساحه

سبحان منهو بزينك زوّد الكيله

ابدع بحسنك .. وخذني رحلة سياحه

آلنجلك ..ومن يجي للنجل ياويله

يستسلم .. و قلبه يسلمك مفتاحه

الرمش عند العرب مايدخل دخيله

يدريبه اللي ماثوّر فالخبا سلاحه

الرمش سيفن حدب ماهوب ياحليله

وانا انتحاري وجفني مخلي مراحه

من كثر ما اعيد تفكيري وتحليله

وشلون ابرتاح واخليك مرتاحه

وانتي قصيده لشاعر مبدع بجيله

منها مايرتاح حتى شاطي الراحه

لو اخفي الحزن يادنيا من انتي

المشكله بحت الاشواق فضاحه

من واحد قد طرحني في محابيله

ياليت قلبي يطير ويكفخ جناحه

مشغوله الناس فيه وفي تفاصيله

والكون يراقب مجييه قبل مرواحه

اليا بغيت الكلام اللي ياحبي له

اجيه مثل الصغير اللي يبا نجاحه