كلمات اغنية أحاول نوم عيني محمد الماسي 2022

سقـاك الله يــا ديــرة حبيـبـي

‎ثمـانٍ فــي ثـمـانٍ بالحسـايـب

‎اتسيـل اسيولهـا يــومٍ وليـلـه

‎وتصبـح فـي مغانيهـا غبايـب

‎أحاول نـوم عينـي بالغصايـب

‎وليـل الشّـوق للخاليـن طايـب

‎عسى طيفٍ يوافي عن حبيبي

‎ولو حلم الكرى يصبح كذايـب

‎أسالـه كيـف حالـه فـي محالـه

‎وكيـف الـود عنـده والرّغايـب

‎صبرنـا.. والصبـر مـرّ مذاقـه

‎وجاسينا من الهير المصايـب

‎وحنّـيـنـا ولـكــن مـــا نفـعـنـا

‎وجافتـنـا الأخـــلاّ والـقـرايـب

‎أونّ أو ونّتـي م الهجـر كّنـي

‎طعيـنٍ ركّـزت فـيـه الحـرايـب

‎رعـى الله يـوم مـا كنّـا وكـنّـا

‎علـى حـالٍ سليـم بــلا تعـايـب

‎اثنيـنـه بيـنّـا مـــا دار ثـالــث

‎ولا واشٍ نـقـل عـنّـا سـبـايـب

‎ولا بـحـنـا لـسـعّـاي النّمـيـمـه

‎بسرٍّ كان في المكنـون غايـب

‎وشفنا الهون في الغالي معزّة

‎وهانت فـي محبّتنـا الصّعايـب

‎وعاشـرنـا وبـاشـرنـا هـوانــا

‎بـلــذّات التّـلـطّـف والعـتـايـب

‎وكـم طرنـا ابجنحـات المحبّـه

‎وحلّينـا علـى بـسـط الحبـايـب

‎جنينا في الهوى شوب المودّه

‎ومازجنـا بهـا طيـب الشّرايـب

‎وخانتنـا مـن الـوقـت اللّيـالـي

‎كــذا لايّــام تـأتـي بالعـجـايـب

‎سقـاك الله يــا ديــرة حبيـبـي

‎ثمـانٍ فــي ثـمـانٍ بالحسـايـب

‎اتسيـل اسيولهـا يــومٍ وليـلـه

‎وتصبـح فـي مغانيهـا غبايـب