كلمات اغنية الفوادي محمد الماسي 2025

حبيبي يعل تفداه الفوادي

من الغالي وما تملك ايديّه

وعمري له وروحي دون مالي

وكل اللّي يظن ابهم عليّه

ولو ترضيك روحي يا حبيبي

بذلت أيّام عمري لك عطيّه

ولو خيّرت في الدّنيا واهلها

تخيّرتك على الدّنيا الرّهيّه

ولو بلقى العوض فيكم ارتاحت

عظامي م المراقاه الشّجيّه

فلكنّي مثل مجنون عامر

يصفّج في مهاماتٍ خليّه

وانا لي صاحبٍ لي من تبدّى

عليه الوصف من شكل العبيّه

إلى من ثار يثننه أردوفه

ونشّاته على ثقله قويّه

تجيل الرّوز في طبعه شكامه

غيورٍ فيه شيمات أو حميّه

يعاند بالصّدود بدون زلّه

ويرضى يوم تبدي له بغيّه

ومن مثلي اتقيّد بالمحبّه

الى شاف العنا سوّى الشّكيّه

ومن تبلاه بلوى الحب يصبر

على الشّطّات ويعرف الوصيّه

وصلى الله على الهادي محمد

وصحبه عد ما حنّت مطيّه

عدد ما قال من قلبه مولّع

أداري شرهة الغالي عليّه