كلمات اغنية راس المال محمد الماسي 2019

في الشعر للي مخيـلته نظـــيف ومتنزه

ينفرد باللي سواه بــفكرته ولا كلامه

يستفزون الجبل غير الجبل وش يستفزه

يالثماميين خليكم على عود الثمامة

الذليل الله يذله والعـــزيز الله يعزه

هب ياعـــذب النسيم وحني يارعد الغمامة

والغلا لو ان اثره في الحشا ماهو يغزه

يمنعه جرح الحبيب ولا نثر دمعة هيامه

يا ليونة غصن موز ويا طراوة ريـــــش وزة

إن رعت مع ظبــــي ولا رعت مع حــــمامة

مايفطر وصفك الصايم لو ان عينه تخزه

انت اصـــلا شي ايماني يكمل بـــــه صيامه

انت محبوبي انا ومعزبي في كل حزة

وانت راس المال ويحيطك خفوقي باهتمامه

مادري ليه اقدر على وصلك ولكن اتنزه

هل اخاف من الهجر ولا اخاف من الندامة

مادري ليه اشعر بان الهجر من بعد المعزة

يرسم فذهني علامة من علامات القيامة

لا تهزه خل قلبي فــي مكـــــانه لاتهزه

سو ماتبغـــــي تسوي فيه لكن باحــترامه

دامك مصمم على خنجر موادعك ابتكزه

في حنـايا قلب عاشق ماجهل غيرك مقامه

ثبت الطعنة على عرجن شرب حــبك ورزه

مايقول الا فمــــان الله خاوتـــك السلامة

كيف اكون انـسان يســتاهل يعزك او تعـــزه

وانت تجرح كبريائي واتلاعب بالكرامه

يستفزون الجبل غير الجبل وش يستفزه؟

يالثماميين خليكم على عود الثمامة